jan li wile kama sona e toki la, wawa mute en tenpo mute li wile. nasin en nimi mute a li lon. tenpo pini la mi alasa kama sona e toki Epelanto, taso ale li nasa tawa mi. nasin toki li wile e wawa pi mute ala, tawa ni: mi kama sona e nimi. nimi mute aaaaaaa li lon. toki pona li musi tawa toki Epelanto la mi kama sona e toki pona, e toki Epelanto ala. taso tenpo kama la mi ken kama sona sin e ona.
toki pona la nimi en nasin toki li lili li kepeken wawa lili tawa toki ante. ni la mi kama sona e ona kepken tenpo lili li open sitelen e toki mi li lukin li kute e ijo. tenpo mun mute li tawa la, kepeken tenpo lili la mi ken kute li ken toki li ken lukin e sitelen Lasina. (ike la, sitelen pona li wile e wawa mute tawa sitelen Lasina.)
toki pona li kepeken nimi lili. mi wile kute anu toki anu lukin kepeken toki pona la mi o toki insa e ni: ijo ni li seme? mi ken toki e ijo ni kepeken nimi lili? ni la mi ken pilin kepeken nasin sin.