mi kama sona: nasin IB lon ma Anku

toki open

tenpo pini la, jan pona mi Ese pi mani mute li tawa tomo mi li toki e ni: ona li sitelen e lipu sona mute la ona li pona tawa tomo sona lon nasin Mewika. ni la, mi toki e ni:

...seme a. ni li epiku.

tan seme la mi sona ala e ni: nasin Anku ala la jan li ken ni tawa tomo sona pona? tan seme la jan li toki ala e ni tawa mi?

tenpo pini ante la, mi kama sona e lon pi nasin IB (International Baccalaurate) tan sitelen tawa. ni tu la, mi alasa e sona pi nasin IB. (kepeken lipu Namuwiki a a a)

pilin mi la, nasin IB li pona mute tawa mi, taso ona li kepeken wawa mute. taso pona li suli tawa wawa a. ni la, mi wile lon nasin ni. taso wile mi en wawa mi li ante.

mi kama sona e ni kin: nasin IB li lon ma Anku kin. tenpo pini la kulupu lawa Anku li jo ala e tomo sona pi nasin IB. jan li wile kama lon tomo sona ni la ona o pana e mani mute mute a. (poka la, jan Ese li toki e ni tawa mi: "o kama lon poka mi tawa ma Mewika. ona li kepeken mani mute ala, sama mani Won (o pakala e wuwojiti, jan li sitelen e "원" sama ni) WAAAA" ni li mani mute a, jan Ese o.) taso tenpo poka la, kulupu lawa Anku li pali e tomo sona sin pi nasin IB la jan ale pi ma poka li ken lon tomo sona ni. sitelen ni la, mi wile toki e pona e ike pi nasin IB lon ma Anku, e pilin mi tawa ni: seme la nasin sona pi ma Anku li ken pona?

ijo suli

• jan li kama sona e seme (tan ni la, jan li kama sona e ijo taso la nasin ni li ike tawa jan)
• jan pi kama sona li pilin pona ala pona
• utala en tomo sona mute pi kulupu lawa ma ala (tomo sona ni mute li lon la, ni li ike tan ni: jan li kepeken tenpo mute tawa ni la sijelo en pilin li kama ike. kin la, jan li ken ala kama sona e nasin pi kama sona pi ona taso. tomo sona ni la mani mute li wile la jan pi mani mute li kama jo e nanpa pona e tomo sona pona. ni la jan pi mani mute li awen jo e mani mute. jan pi mani lili li awen jo e mani lili.)
• pali pi jan ale li nanpa kepeken nasin sama ala sama
• ijo pi mute seme li wile (ken la tomo sona pi mani ala li ken ala kama jo e ijo wile, sama nasin 고교학점제)
• jan pi kama sona li jo e wawa seme

tan seme la jan li wile e ni?

nasin sona pi ma Anku li ike tan ni: nanpa wan la, jan li kama jo e sona mute taso. sona ni li pona ala. nanpa tu la, jan li jo e nanpa sama ni: jan ni li nanpa wan li pona nanpa wan, jan ni ante li nanpa tu li ike tawa jan nanpa wan. ni li ike tan ni: jan ale li pilin ike li kepeken mani mute tawa nanpa pona lon tomo sona. ni la, kulupu lawa li alasa e nasin pona tawa tenpo ni. nasin sin pi sona nanpa wan lon tenpo ni li nasin 고교학점제 (jan li