mi awen ante e lipu lon tenpo ni
tomo sona nanpa la mi kama sona e ijo sin lon nasin 공통수학2 (tenpo kama la mi o toki e nasin pi sona nanpa lon tomo sona pi ma Anku). tenpo mute la mi kama sona ala e ijo sin lon tomo sona nanpa, taso ijo ni li sin la ona li pona li musi tawa lawa mi! taso ona li pakala e lawa mi tan ni: kama sona li kepeken wawa mute. tenpo la jan pi pana sona li pana ala e tenpo tawa ni: mi kama sona e ijo. taso ale li pona! mi ken lukin e ijo ni lon tenpo mute.
ijo li ni:
sitelen lili tu li lon palisa wan la, nanpa li lon sitelen lili li toki e ni: sitelen lili ni li lon seme pi palisa ni. o weka e nanpa pi sitelen lili tu. nanpa ni li lili tawa nanpa 0 la o jasima e nanpa ni (ni la nanpa -1 li kama 1). ni la nanpa weka pi sitelen lili tu li lon. (nasin nanpa la sitelen lili nanpa wan li a la sitelen lili nanpa tu li b la nanpa weka li |a-b|)
sitelen lili tu li lon supa la, nanpa tu pi sitelen lili wan li lon. nanpa wan li toki e ni: sitelen lili ni li sewi anu anpa. nanpa ante li toki e ni: sitelen ni li lon poka pi sitelen Lasina open anu poka pi sitelen Lasina pini.
(o pana e sitelen lon tenpo kama)
(aaa tan seme la mi alasa toki e sona ni kepeken toki pona. ni li kepeken wawa mute tan lawa mi a. ken pona la mi en jan ante li ken sona e toki mi)
lon. mi sona ala e ni: mi o toki e seme lon ni. tenpo ni li musi, taso tan ni la mi ken ala pali mute.
suli nanpa wan li ni: mi toki pona e ijo pi sitelen ma. ni li kepeken wawa mute a. ni li musi tawa mi li kepeken tenpo mute kin. ken la mi ken ala lape lon tenpo pona tan pali ni. (mi sitelen e ni lon tenpo 10:05pm. tenpo mute la mi lape lon tenpo 10:30-11:00pm)