mi kama jo e lipu ni lon tenpo mun pini mute. ken la ona li lon tenpo mun #W anu #T pi tenpo sike ni. tenpo pini pi lipu ni la mi pilin ike. tenpo ni la tomo sona li wile ala e mi tan ni: tenpo ni li tenpo lape. ni la nasin kepeken pi tenpo ale li tan wawa mi. taso wawa ni li lon ala mi. kin la, mi wile kama lon tomo sona pi wile wawa mute. taso mi sona e ni: mi ken ala. ni la mi lukin e sitelen tawa e lipu ni: ona li pona e ken kepeken tenpo e wawa pilin li pana e nasin pi tomo sona. pilin mi la mi o lukin e ale ni la mi lukin mute, taso mi pali ala. ni la mi pilin ike mute. kin la, pilin ni li lon lawa mi: ken la sijelo mi li ken kama ike la mi kama moli kepeken tenpo suli. ni la, pali ale mi li pona ala tan ni: ale li moli lon tenpo kama. tenpo ni la, mi kama jo e lipu 지대넓얕.
jan ale li jo e nasin. jan mute li kama jo e nasin kulupu li ante ala e nasin ona. taso tenpo la jan li wile sona e ni: nasin ni li lon li pona anu seme? lipu ni la wile sona ni li wile sona pi sewi lili. jan pi wile sona ni li kama sona e ni: nasin ale li pona lon tenpo ale ala lon ma ale ala. nasin ale li kama tan jan. toki ni li suli mute tawa mi tan ni: mi pilin e ni kin lon tenpo mun mute pini. wile sona ni la mi toki e ni: nasin ale li lon ala la mi o anu e nasin pona tawa mi. ni la mi pini sin e wile sona mi li tawa nasin pi jan ale lon ma mi. suli la lipu li toki e ni kin. jan pi wile sona li kama sona e lon ala pi nasin ale la ona li awen jo e nasin pi tenpo pini ona.
tan seme la ni li lon? lipu li toki e ni: tenpo mi la pilin jan mute la ijo lon taso li lon. pona pi nasin ni la sona pi ijo lon li kama wawa. ona li kama sona e ijo mute pi ma ni li pali e ijo mute. ike la ijo pilin en ijo lon lawa taso li kama wawa ala. tan ni la, jan li sona ala e ni: kon ona li seme. jan li toki insa ala lon tenpo mute li pona e ijo poka la kon jan li kama lon.
ni li nasa lili tawa mi tan ni: tenpo sike mute la jan linluwi li toki e ni tawa: sina pilin ala li toki insa ala la sina kama sona ala li kama ike. tenpo pini la mi pilin mute la pilin mi la ijo mute li kama pona. mi kama jo e wile e ijo olin e ijo mute. taso... o pilin ala? ni li nasa a tawa mi.
lipu li toki e ni: jan li wile pilin pona li kama sona e kon ona la, ona o toki insa ala. jan li wile toki insa ala la, ona o pona o lili e ijo poka. o pona e ma e tenpo e sijelo. ma la, o weka e jaki e ijo pi wile ala. tenpo la, o kipisi ala e ona. sijelo la, o moku pona o tawa mute.
ni li lon a tawa mi. mi wile lili e toki insa anu kama pali pona la, mi o pona e ma e tenpo. tenpo pini la mi sona e ni: mi wile pali e ijo lili mute lon kulupu mute la mi pilin ike li ken ala pali e ale. ma la, tomo mi li jaki la mi ken ala pali. ni la mi pona e tomo mi li weka e jaki lili. sijelo la, mi alasa moku pona (tenpo lon la, mi moku pona ala. ken la mi o moku pona sin) mi pini lukin e sitelen tawa pi pona tenpo tan ni: ona la mi pilin ike li pali ala. tenpo la mi lon ala tomo mi li lukin e ma e kasi li toki insa ala. ni la mi open pilin pona. taso, wile sona ni li awen: seme la jan pi pilin ala tan jan linluwi en jan pi pilin ala lon lipu ni li ante?
jan li pini pona e ijo ona la kipisi lipu ni li toki e ni: nasin seme la jan li ken tawa kon ona? tan seme la jan o toki insa ala lon nasin ni?
lipu ni la, kon taso li lon li ante ala. kon taso li lon la, ale li pona. (jan lukin o lili e ijo poka lon kipisi pini la, jan o sona e ni.) taso ijo lon insa ala jan li pana e pilin mute ante li nasa e jan. pilin mute ni li moku e kon la jan li ken pilin nasa li ken pilin ike.
mi pini lukin e sitelen tawa pi pona tenpo la, pilin mi li kama pona lili. ken la ona li tan ni, taso mi pilin e ni: mi o pali e ijo pi tomo sona mi. tenpo pini la mi pali ala e ni lon tenpo pona. mi pali ala la mi pilin e ni: tenpo suno ni li pakala la mi awen pali ala. ni li ike la mi alasa pali e ijo mute lon tenpo suno. tenpo suno mute li tawa. mi alasa open pali e ijo lon tenpo lili. ni la mi kama ken a! ni li pana e sona ni tawa mi: mi pali mute la ante pi lili a li kama. tenpo mute li tawa la ante li kama suli li pona suli anu ike suli e ale. ni li wawa e wile mi. mi wile ala pali e ijo la, mi toki e ni: mi pali ala lon tenpo mute la, ante lili li kama ala li pakala. ni la mi ken pali. mi pilin pona a.
mi lukin e kipisi nanpa tu tu en kipisi nanpa luka lon lipu ni lon tenpo sama. kipisi nanpa tu tu li toki e ni: kon li seme? kipisi nanpa luka (en kipisi nanpa luka wan, en kipisi nanpa luka tu) li toki e ni: jan li sona e kon la jan li ken kepeken e ni lon nasin seme? ni la keeeeeen la jan li ken lukin e ni lon tenpo sama? mi sona ala.
lipu la, jan li ken lukin e kon lon nasin tu wan.